Hellúúú

Á íslandi!!!

2009-01-20T11:19:00.003Z

Þá er maður kominn heim. Kom reyndar heim 3. janúar þannig að þessar fréttir eru svolítið eftir á en það verður bara að hafa það. Ég var nefnilega í sjúkraprófum 12. og 13. janúar þannig að ég var ekkert að tilkynna það allt of mikið að maður væri á landinu. Ég veit nú ekki hvernig mér gekk en ég skal láta vita um leið og ég veit. En þegar ég fór í prófið á mánudaginn þá vá, ókei, maður þarf að ná bæði A og B hluta og ég las yfir prófið og hugsaði: ,,Ókei, ég geri B hlutann og svo skýt ég mig!" En það kemur í ljós hvort að ég þurfti að hafa þessar sjálfsmorðs hugsanir í prófinu eða ekki seinna. Vonandi kemur það í ljós sem fyrst því að ég er ekki að höndla þessa bið neitt svakalega vel. Er kannski ekki eins þolinmóð manneskja og ég þykist stundum vera.

Annað í fréttum er það að ég ætla mér ekki að fara aftur til Kanarí. Helvítis karlinn skuldar mér samt ca. 400 evrur sem er alveg ágætis peningur á íslensku gengi í augnablikinu og mig munar um allt. Það er erfitt að vera kreppustúdent og kreppuíslendingur í útlöndum! En ég er orðin full time háskólanemi og finnst það bara ágætt. Það er reyndar sjúklegur lestur í sagnfræðinni og ég bara skil ekki hvernig kennurunum dettur í hug að maður geti komist yfir þetta allt. Ég sver það, það er meiri lestur í sagnfræðinni en í lögfræðinni! Munurinn er bara sá að ólíkt lögfræðinni þá er sagnfræðin skemmtileg. Ég er t.d. í mjög áhugaverðum áfanga núna sem heitir Handrita- og skjalalestur 1300-1800. Það er svona svipað því að púsla að ráða í sum handritin og mér finnst mjög gaman að púsla þannig að þetta er bara allt í gúdderíi. Svo fékk ég líka mjög mikla æfingu í að lesa óskiljanlegar skriftir á clinicunni úti. Stundum var ég bara ókei, úllen dúllen doff segjum að þessi stafur sé E. Mjög mikil skemmtun.

En allavega, nenni ekki að skrifa meira í bili ;)
Reyni að skrifa eitthvað aftur fljótlega... hmmm sjáum hvernig það gengur híhí... ég allavega lofa því að reyna að muna eftir því... :D

Auglýsi eftir sólgleraugum!!!

2008-12-27T21:50:00.002Z

Takið eftir, þetta var skrifað í gær. Eftir að reyna í 3 tíma að pósta þessu þá gafst ég upp á netsambandinu mínu og ákvað að reyna aftur í dag, sunnudag:

Í dag henti ég sólgleraugunum mínum. Einhverjir munu þá hugsa: hmmm af hverju ætli hún hafi gert það? Það er góð spurning og ennþá betra svar sem fæst við henni. Ég hef nefnilega þann einstaka hæfileika að missa hluti ofan í klósettið. Sem er ástæðan fyrir því að ég hef vanið mig á það að loka alltaf klósettsetunni svo að ég geti nú bjargað kannski einhverjum hlutum. Fyrir u.þ.b. einu og hálfu ári rústaði ég heimasímanum hjá mömmu með því að leyfa honum að baða sig í klósettvatninu. Ég var að tala við Karinu í heimasímann hennar mömmu og var eitthvað að horfa í spegilinn í leiðinni. Svo missti ég allt í einu símtólið og það skoppaði af vaskinum á borðbrúnina, þaðan á klósettsetuna og svo blúbb ofan í klósettið. Síminn þoldi ekki baðið og þurfti að kaupa nýjan. Í dag var ég á leiðinni út og var með sólgleraugun krækt framan á hlýrabolinn minn. Svo ákvað ég að fríska aðeins upp á hárgreiðsluna mína og greiddi mér smá. Síðan opnaði ég klósettsetuna til að henda hárum úr hárburstanum ofan í og blúbb, það fóru ekki bara hár ofan í klósettið heldur sólgleraugun mín líka. Þannig að ég mun koma einstaklega augna hrukkótt heim þar sem ég hef þurft að píra augun alveg einstaklega mikið þessa vikuna! Ekki það að ég muni eitthvað oft eftir að vera með sólgleraugu þegar ég fer út, en það var samt gott að vita af þeim ofan í skúffunni minni þó svo að ég gleymdi þeim þar í 85% tilvika.

Eins og þið vitið þá á ég það til að vera pínu spes. Ég sem fer aldrei í sólbað skellti mér í 1 og hálfan tíma í gær með Ranný sem býr hérna í húsinu. Það datt engum öðrum í hug að fara í sólbað á þessum tíma, vindurinn var svo svakalega mikill og ískaldur. Ég var að krókna úr kulda, en lét mig samt hafa það. En þegar sólbekkirnir voru farnir að fjúka og eitt lítið pálmatré var komið á hliðina hugsuðum við, nei heyrðu við förum nú ekki að gera okkur að fíflum lengur með því að liggja í sólbaði þegar garðurinn er að fjúka til fjandans. Já en þetta var semsagt dagurinn sem að ég ákveð að sóla mig. Mér finnst þetta það reyndar svakalega dónalegt af vindinum að blása þarna þar sem að ég get bara farið í garðinn á laugardögum þegar ég er í fríi.

Ég hef miklar fréttir að deila með ykkur... ég mun líklega koma heim 3. eða 5. janúar! Það er allt troðið í vélinni sem átti að fara 14. janúar heim en er búið að breyta til 12. janúar. Þeir ákváðu nefnilega að sameina flugið með Heimsferðum svo að ég kemst ekki með þá. Svo var spurning um að fara heim í gegnum Tenerife 13. janúar en mér skilst að það sé líka orðið troðfullt. Þannig að ég verð líklegast komin heim fyrir þrettándann. Kannski ég skelli mér bara á brennu þetta árið?! Hef ekki farið síðan ég var 14 eða 15. Það væri kannski gaman að fara og syngja þrettándalög...

En já á meðan ég man, GLEÐILEG JÓL ÖLL SÖMUL OG GLEÐILEGT NÝTT ÁR!!! TAKK FYRIR ÞAÐ LIÐNA :D

Ég hafði það bara mjög gott á aðfangadag. Það er náttúrulega ekkert svakalega jólalegt hérna svo að ég get ekki sagt að ég hafi verið að deyja úr jólafíling en þetta var alveg svakalega næs. Ég hætti að vinna klukkutíma fyrr og fór í jólamessu klukkan 14:30. Hérna munu eflaust einhverjir verða svakalega hissa og hugsa jeminn Þórdís í messu, er heimurinn að farast! En nei nei engar áhyggjur heimurinn er ekki að farast. Þetta var afskaplega fín messa hjá henni Jónu Lísu, prestinum hérna, með mjög mikið af jólalögum til að syngja. Það var ekkert smá gaman að fá að syngja jólalög með fólki. Ekki bara ég að bögga nágrannana. Ég held að nágrannarnir séu búnir að hlusta á Frostrósirnar 2004 diskinn svona 200 sinnum núna. Hljóta að vera orðnir léttgeggjaðir. Við erum sko að tala um það að einangrunin milli íbúða er engin, ég heyrði í manninum við hliðina á blístra jólalag í gegnum vegginn í dag. Það var mjög vel blístrað hjá honum, lagið var I wish it could be Xmas every day! En eftir messu þá sagði maður náttúrulega gleðileg jól við þá sem maður sá og þekkti. Svo fórum við Jóna Lísa og Palli á kaffihús sem heitir Cafe Paris, ég fékk mér reyndar ekki kakó svo að ég get ekki sagt ykkur muninn á kakóinu á Paris hér og heima en kökusneiðin var svakalega góð. Súkkulaði kaka með einhverju mandarínu dóteríi á milli laga (ég er semsagt að fara í aðhald um leið og ég kem heim svo að buxurnar losni aftur utan af mér... alltof mikið kæruleysi í gangi hérna). Við Jóna Lísa elduðum svo saman heima hjá mér kalkúnabringu. Svo var waldorfsalat með og kartöflur. Þetta var mjög gott og við höfðum alveg yndislega afslappaðan aðfangadagsmat. Síðar um kvöldið fór ég á pöbbarölt í Yumbo með Palla og við enduðum á norskum bar þar sem að fullt af öðrum Íslendingum safnaðist svo saman. Svo mætti ég svakalega ósofin í vinnuna kl. 8:30 á Jóladagsmorgun.

Váááhhtssss............

2008-12-09T22:37:00.002Z

Ætla að fá að endurtaka það aftur, váhhh!!!
Það kom gaur á clinicuna í dag. Hann kom inn ber að ofan í peysu sem var rennd niður og VÁÁÁHHH hvað hann var með svakalega flotta magavöðva!!!! Svo þurfti hann endilega að renna upp peysunni en jæja. Hann er geðveikt sætur og flottur + hann er búinn að vera hérna síðan í október og fer heim í maí. Já og var ég búin að minnast á að hann er frá Rússlandi, en búinn að búa í Finnlandi í nokkur ár. Ms Ice-bitch kom með þá hugdettu að hann ynni hér sem strippari. Það eru víst svakalega margir útlendingar og straight gaurar sem að vinna hérna í strippi. Mér finnst það ógeðslega fyndið, hehehe... :þ
Ég talaði nú ekkert við hann þar sem að Ms Ice-bitch talaði við hann á finnsku en hann þarf að koma næstu tvo dagana til að láta skipta um umbúðir á sárinu á hnénu. Vona bara að hann komi fyrir kl. 15 :D
Og já svo að þið vitið það þá er ég ekki einhver stalker og veit þannig hvar hann býr og alles hérna... Ég kíkti á tryggingar- og læknapappírana hjá okkur... hehe... þurfti hvort eð er að setja upplýsingarnar inn í tölvuna...

Er pirruð!!!

2008-12-05T16:16:00.001Z

Bahhhh…. sjúkrabílagaurarnir eru að gera mig geðveika!!!

En áður en ég kem að því þá er helst í fréttum það að ég er búin að fá samning í allan vetur ;) Er bæði ánægð og ekki með það. Verð að viðurkenna að mér fannst tilhugsunin um að fara heim ekkert skelfileg. En ekki misskilja mig, mér líður alveg ágætlega hérna ég á bara svo frábæra vini og fjölskyldu heima að já.. :-D óþarfi að segja meira. En ég kem heim 14. janúar í 2 vikur og hlakka til að hitta þá sem verða á landinu þá :D

En já, ég var að vinna og við þurftum að senda sjúkrabíl eftir sjúkling og fara síðan með sjúklinginn í boxið sem er í rauninni herbergi á hlið húsins, þar sem clinican er, þar sem að við erum með nokkur sjúkrarúm og þar er semsagt hægt að “leggja inn” sjúklinga sem þurfa í æð eða eftirlit í 1-3 tíma. “Uppáhalds”vinir mínir voru semsagt að vinna og komu með sjúklinginn sem var Íslendingur svo að ég þurfti að vera þarna að þýða. Svo erum við í boxinu, ég, hjúkkan, læknirinn og sjúkrabílagaurarnir þegar annar þeirra (ekki sá sem er alltaf að bjóða mér út heldur hinn) segir við mig: Þórdís, X vill fara með þig út að borða þannig að geturðu ekki hætt að læra eitt kvöld!!! Og það fyrir framan alla! + það er sko ekkert verið að spurja mig hvort að ég VILJI fara út með honum heldur er það HANN VILL FARA MEÐ ÞIG ÚT AÐ BORÐA! Eins og það skipti mig einhverju máli hvað HANN VILL!!! Ég sagði að námið væri númer 1, 2 og 3 hjá mér og það gengi alltaf fyrir svo að nei ég gæti ekki tekið eina kvöldstund frá. Þá byrjar hann að tuða í mér (og notabeni þetta er ekki einu sinni gaurinn sem vill fara með mér út að borða heldur sá sem vinnur með honum, djöfull eru þeir pirrandi!!!) að maður megi ekki læra yfir sig og blablabla. Ég sagði á móti að ég væri nú bara búin að vera að læra í 3 mánuði af síðustu 18 þannig að ég hefði nú alveg margra mánaða úthald í viðbót. Ég er búin að gefa þvílíkt margar vísbendinar um það að ég hafi gjörsamlega ENGAN áhuga og að ég vilji ekki fara út með honum en djöfull eru þeir tregir. Mér skilst reyndar að það sé líklegt að hann haldi áfram endalaust þangað til að annaðhvort ég nái mér í annan gaur eða að ég fari út með honum. Þannig að ég ætla að fara að búa til ímyndunarkærasta sem er að fara að koma frá Íslandi í næstu viku. Við erum semsagt búin að vera “vinir” í einhvern tíma og já núna erum við orðin meira!!! Vonandi fær þetta hann til að hætta þessu helvítis væli. Það er óþolandi að vera að vinna á vinnustað þar sem að maður sem að vinnur í samstarfi við vinnustaðinn lætur mann ekki vera. En bara svo að þið skiljið aðeins um hvað ég er að tala þá er gaurinn augljóslega með ekki mikið milli eyrnanna. Hann er svipað hár og ég sem að mér bara sorrí finnst ekki aðlaðandi og hann er POTTÞÉTT léttari en ég sem að aftur sorrí en það finnst mér ekki heldur spennandi!!! AAAAAAAAAAAAAAARRRRRRRRRRRRRRRRRGGGGG!!!!!!!!!!!!!!!!!!!!!!

Svakalega löng bloggfærsla

2008-11-24T19:32:00.002Z

Þá drattast ég loksins til að skrifa meira hér á bloggið... Ég hef nú aldrei verið nein wonderwoman í bloggskrifum en mér finnst ég búin að vera helvíti dugleg síðan í október :þ

Ef ég held áfram á 4. vinnudegi þá fóru gaurarnir á sjúkrabílnum með mig á rúntinn hér um svæðið eftir vinnu þann dag. Það er ekki á hverjum degi sem maður rúntar um á sjúkrabíl. Annar er 22 ára og já sýndi augljósan áhuga strax. Fékk að heyra það hvað ég væri með falleg augu og fleira crap. Morguninn eftir var ég síðan á göngu á leiðinni í ódýru, hmm allavega ódýrari búðina sem er lengst í burtu. Þá keyrðu þeir framhjá á sjúkrabílnum og gaurinn fór hálfur út um gluggann og kallaði: Hæ sæta!!! Verð að viðurkenna að það er svolítið skemmtilegt að láta hrópa svoleiðis á eftir sér ;) En svo er hann alltaf að bjóða mér út að borða og er búinn að vera að tala við stelpurnar í vinnunni um að honum langi að bjóða mér í bíó o.s.frv. en já ég hef ekki áhuga. Hann er alveg svakalega óþroskaður. Mér finnst stundum eins og hann sé eins og 15 ára krakki þegar þeir koma að hanga í vinnunni hjá mér. Sem reyndar fer ógeðslega í taugarnar á mér. Á milli útkalla hafa þeir semsagt ekkert að gera og koma ekki bara í hálftíma stopp eða eitthvað svoleiðis sem að væri allt í lagi, heldur hanga þeir kannski í nokkra tíma. Svo þegar ég kom um daginn í vinnuna þá var ein hjúkrunarkonan að þrífa krot á veggnum. Þeir höfðu þá komið um morguninn og þessi semsagt verið að teikna á vegginn. Ég meina halló hver gerir svoleiðis sem er eldri 10 ára. Eða jæja, allavega 14 ára. Það eru til blöð! En ég verð samt að passa mig. Þegar ég verð pirruð á ég það til að missa einhver nasty orð út úr mér. Síðasta mánudag þá var ógeðslega mikið að gera, ég var stressuð út af verkefninu sem ég átti að skila á miðvikudaginn í skólanum og var að vinna með Ms. Ice-Bitch svo að já ég var pirruð. Svo var ég að hugsa út í verkefnið og skrifa hjá mér punkta og sjúkrabílagaurarnir voru að hanga líka og voru bara fyrir þegar gaurinn dirfðist að byrja að tala við mig! ;)

Hehe... hann spurði mig hvort ég kynni eitthvað í þýsku og þá hrökk upp úr mér: Nei en ég kann að segja þegiðu á íslensku! og í smá leiðinlegum og já ekki skemmtilegum tón. Svo fannst mér ég nú hafa verið pínu leiðinleg þannig að ég sagði sorrý ég er bara upptekin af verkefninu og þá kom frá honum og hann meinti það alveg 100%: Já það er vont að hugsa of mikið og nota hausinn! Það var eins gott að ég gat stoppað á mér kjaftinn því að ég var næstum því búin að missa út úr mér: Komandi frá einum sem ekki hefur neinn heila! Það er gott að ég hef góða sjálfstjórn!!! Svo er líka svakalega gott að ég er í fjarnáminu af því að ég er með bestu afsökun ever fyrir að komast ALDREI út að borða eða í bíó eða neitt með honum. Ég er bara hreinlega "ALLTAF" að læra!

En já, að hafa allavega meðalgreindarvísitölu er semsagt á listanum mínum. Unnur mun fatta þetta strax þar sem að það er á hennar lista líka býst ég við...

En já, mér líkar ágætlega hérna og vinnan er fín en mamma ég er alveg 150% viss um að ég mun ALDREI fara í læknisfræði eða hjúkrun þannig að ekki dreyma neitt um svoleiðis. Síðustu dagar hafa fullvissað mig um það að oj ég gæti þetta aldrei. Læknirinn sem var á vakt í gær kom fram eftir að sinna einum sjúkling og þurfti að skipta um skyrtu þar sem að gröftur úr risastóru ógeði á höndinni á honum hafði spýst á alla skyrtuna. Og við erum sko að tala um mikið magn! Ég er ekki á leiðinni að borða hafragraut á næstunni þar sem að þetta minnti mig á hafragraut! hrrr ég er ennþá með hroll!!

Einar sem vann á morgnana á móti mér er hættur. Hann var ekki búinn að fá útborgað á þriðjudaginn síðasta fyrir október mánuð og kom ekki á miðvikudaginn. Læknarnir voru bara að fá núna laun fyrir síðasta mánuð og fengu peningana í 4 ávísunum sem þau geta leyst út á fjórum dögum. Þá fyrstu í dag. Fólk var orðið frekar pirrað, sérstaklega af því að hann talaði ekkert við fólkið eða útskýrði hvað er í gangi og af hverju hann er að borga svona seint. Við vitum að hann segir að það séu efnahagsþrengingar en hann var ekkert búinn að tala við fólkið samt sjálfur. Ég skil það vel að það hafi verið orðið reitt. Ms. Ice-bitch sem að vinnur á morgnana hringdi í mig um 10 leytið á mið morgun og bað mig um að koma fyrr að vinna þann dag. Ég gat það náttúrulega ekki þar sem að ég var að vinna ennþá í verkefninu fyrir skólann sem ég átti að skila þann dag. Þannig að þegar ég mætti í vinnuna kl. 15 eins og vanalega tilkynnti Ms. Ice-bitch mér það að á fimmtudeginum myndi ég byrja að vinna á morgnana. Ég var ekkert spurð hvort ég gæti verið á morgnana eða neitt. Það var bara ætlast til að ég gerði ekkert alla morgna nema að bíða eftir að komast í vinnuna þannig að ég gæti bara komið þegar þeim hentar. Plús það að Ms. Ice-bitch er ekki yfirmanneskja mín. Það er bara eigandinn. Við erum öll samstarfsfólk en það er enginn yfir öðrum á vaktinni. Ég var vægast sagt ekki ánægð þar sem að mér finnst það mjög mikil vanvirðing að eigandinn sem er minn yfirmaður að hann skuli ekki hafa hringt í mig og SPURT hvort ég gæti verið á morgnana. En ég samt mætti á fimmtudaginn um morguninn en fannst það ömurlegt. Ef ég vinn á morgunvakt þá er ég búin kl 15, sem að ég hefði auðvitað viljað frekar heima en ég er ekki heima, og þá á ég bara 3 tíma af deginum eftir þar sem að það fer að myrkva um kl. 18. Ég er ekki að fara að ganga hérna um ein út um allt eftir myrkur. Það er hættulegt. Til að fara í ræktina verð ég að ganga hálftíma hvora leið þannig að þetta er mjög tæpt. En ég er ekki að fara að labba þá leið í myrkri. Í þar síðustu viku kom stelpa á clinicuna sem að hafði lent í árás og vildi fara í prufur. Hún er jafn gömul mér. Var öll út í skrámum og skurðum + andlegt áfall. Ef ég aftur á móti vinn í eftirmiðdaginn þá hef ég alveg 7 tíma í sól, eða alveg frá því að ég vakna og þar til ég fer að vinna. Þá get ég líka gengið róleg í ræktina, í búðina sem er langt í burtu o.s.frv. ef ég vil það. Svo er líka betra fyrir mig að læra á morgnana þar sem að tímarnir eru þá heima og ég hef meira úthald fyrir lærdóminn. Ég talaði við Ms. Ice-bitch á föstudaginn og sagði henni að ég gæti ekki verið alla morgna út af náminu (af því að eigandinn svarar engum öðrum en henni svo að ef maður vill koma einhverju á framfæri fer það í gegnum hana). Hún var þá bara með það sem að mér fannst vera hálfgerar hótanir og sagði að það þyrfti ekki auka manneskju í eftirmiðdaginn þannig að ef að ég gæti ekki verið alla morgna þá myndu þau finna aðra manneskju þá daga sem ég gæti ekki verið og ég myndi bara vinna örfáa daga á viku þar sem að ég fengi ekki að vera í eftirmiðdaginn og ég veit ekki hvað og hvað. Ég var ógeðslega reið þegar ég var búin að tala við hana og ætlaði ekki að sætta mig við eitthvað hlutastarf og að þau gætu bara sett mig á vinnutíma sem væri annar en sá sem var upphaflega samið um án þess að spurja mig. Ég var tilbúin að klára bara nóvember og segja gangi ykkur vel að finna íslending í fullt starf hingað á engum tíma sem að talar góða spænsku! En ég hringdi í eigandann og skildi eftir skilaboð á talhólfinu hans og sagði að ég gæti bara verið á morgunvakt á mánudögum og föstudögum og annan hvern fimmtudag út af náminu sem ég væri í og svo hina dagana í eftirmiðdaginn. Kristín fór síðan og talaði við hann í eftirmiðdaginn á föstudaginn (út af öðru dóteríi). Talið barst að mér og ég veit að ég er semsagt með samning til 14. janúar og verð að vinna á morgunvakt mán, fös og annan hvorn fim og hina dagana verð ég í eftirmiðdaginn alveg eins og ég vildi. Hann var reyndar eitthvað að reyna að færa þetta á þri og fim en það verður ekkert. Önnur Kristín sem að vinnur í almannatengslum fyrir clinicuna verður þá morgna sem að ég er ekki á clinicunni. En þannig að þetta gekk allt upp. Þessa vikuna er ég reyndar að vinna alla morgna nema miðvikudaginn af því að Kristín er enn í veikindafríi eftir slys sem hún lenti í fyrir nokkrum vikum. Já og svo verð ég að vinna á laugardagsmorgnum í staðinn fyrir sunnudagsmorgnum. Það er mjög fínt þar sem að nú get ég troðið mér með Kristínu á ströndina á sunnudögum. Ég nefnilega er engin strandarmanneskja þannig að ég er ekki að nenna að fara ein og er bara búin að fara EINU sinni á ströndina síðan ég kom hingað. Þannig að ég er ennþá sjúklega hvít og mun líklega koma sjúklega hvít aftur heim í janúar. En já ég mun verða bókuð heim með vél þann 14. janúar. Ég veit samt ekki ennþá hvort að það er bara í 2 vikur eða hvort að það er for good þennan veturinn. Það fer eftir því hvernig verður bókað eftir áramót, já hvernig verður með vinnu hérna eftir áramót. Ég er allavega bara ráðin til 14. janúar, eða já pottþétt fram að áramótum. Ég gef ekki meira fyrir loforðin á þessum bæ svo að við sjáum bara hvað verður.

Fyrstu vinnudagarnir!!!

2008-11-05T00:07:00.001Z

Ég byrjaði að vinna á sunnudaginn og er að vinna í bláum náttfötum ;) Það var svakalega lítið að gera en ég var að vinna stutt svo að það var í gúddí. Í gær þá var eiginlega ekkert að gera (er að vinna frá 15 - 21:30 á virkum dögum) en svo klukkan rétt rúmlega 9 kom maður hlaupandi inn og sagði að það vantaði lækni hinum megin við götuna. Læknirinn sagði mér að hringja á sjúkrabíl og koma svo yfir ef að það þyrfti túlk. Ég bað Sari (finnsk sem vinnur fyrri hlutann á virkum dögum og allan daginn á mánudögum) um að hringja á sjúkrabílinn og hljóp yfir á veitingastað hinum megin við götuna.

Þegar ég kom þangað var mér bent að fara innst og að stiga sem að lá niður að klóstettunum. Ég leit niður og þá lá kona þar meðvitundarlaus, maður hjá henni og svo læknirinn að reyna að tala við neyðarlínuna í símann. Það var ekkert samband þarna niðri svo að símanum var hent í mig og ég beðin um að tala við neyðarlínuna. Ég var spurð að því hvað væri að konunni og alls konar fleiri spurningar sem ég gat ekki svarað. Vá hvað konan var treg. Ég var búin að segja henni að hún gæti ekki talað við lækninn þar sem að það væri ekkert samband niðri og að ég vissi ekki hvað væri að konunni enda hvernig í andskotanum átti ég að vita það. Hún varð bara pirruð og hélt áfram að spyrja. Eins og ég væri ekki sjálf í nægu áfalli yfir að sjá konu fyrir neðan svakalega brattan stiga og ég vissi ekki hvort hún andaði eða hvað. Ég var nálægt því að panika við allt þetta. En ég náði að halda mér eins rólegri og ég gat. Vísaði bráðagaurunum niður og svona. Skemmtilegur dagur 2 í vinnunni.

Dagur 3 var spes líka. Það var mjög rólegt og kom bara einn mjög feitur hjartasjúklinga Íslendingur sem að talaði svo óskýrt að ég þurfti að hlusta vel til að skilja hvað hann sagði. Svo kom sænsk kona sem að hafði dottið og þurfti að sauma á henni hnéð. Ég heyrði að þær ætluðu að sauma og hugsaði fyrst OJ! Svo hugsaði ég,: hmmm það er nú samt ekki á hverjum degi sem ég get séð hné saumað saman. Svo að ég ákvað að fara inn og horfa. Þetta voru 3 spor. Hjúkkan spurði mig svo eftir á (þar sem að Maritta sem vinnur með mér, hún er finnsk, vill aldrei horfa á svona): fannst þér gaman að horfa? Ég sagði nú bara sannleikann við hana og það er að þetta var áhugavert. Samt svolítið fyndið. Feiti maðurinn var með blóðnasir og mér fannst ógeðslegt að horfa á tappann sem kom úr nefinu á honum með einhverju smá nasablóði í en mér fannst ekkert ógeðslegt og bara áhugavert að horfa á hnéð saumað saman. Talandi um að vera crazy!

Það kom líka einn hommi frá Austurríki og vá hvað ég hló mikið þegar hann var farinn og ég fékk að heyra hvað var málið. Ég hélt ég myndi deyja úr hlátri. Gaurinn kom inn og spurði mig hvort að læknirinn væri kona eða karl. Og ég sagði honum að læknirinn á vakt í dag væri kona. Hann spurði mig þá hvort að hún væri “gay friendly” og ég var alveg he? af hverju ætti hún ekki að vera það. Ég meina um helmingur af þeim sem að búa hérna eru gay. Ef einhver ætlaði að vinna hérna og væri með fóbíu fyrir samkynhneigðum þá myndi ég nú ráðleggja honum að vinna einhversstaðar annarsstaðar. En ég spurði hann hvort að hann vildi að ég færi inn með honum að túlka fyrir hann og hann var svolítið stress legur og vildi ekki að ég myndi koma. Hann vildi reyna að fara inn einn fyrst. Og ég var alveg ókei ekki málið, þið bara kallið ef ykkur vantar hjálp. Svo kallaði læknirinn á Marittu (finnska konan sem er að vinna með mér alla daga nema mánudaga) og hún var að gera eitthvað annað svo að ég spurði hvort að hún vildi að ég kæmi. Hún sagði bara nei biddu Marittu að koma strax. Maritta fór inn og allt í lagi. Svo fór maðurinn og ég og hjúkrunarkonan sátum inni í móttöku og yfirheyrðum eitthvað af því sem að læknirinn og Maritta voru að tala um. Það var svo furðulegt að við urðum að fara inn og spurja út í hvað málið hafði verið. Þá hafði gaurinn verið hérna í Yumbo verslunarkjarnanum og látið setja hring á typpið á sér. Hringurinn stíflaði blóðrásina og typpið var orðið rautt og útbólgið. Þær sendu hann á spítalann þar sem að hann þurfti að láta saga hringinn af. Hann ætlaði samt ekki að vilja láta saga hann af fyrst þangað til að læknirinn sagði við hann: Hey annað hvort læturðu saga hringinn af eða typpið! Þú ræður! Vá hvað ég var fegin að læknirinn ákvað að ég væri of ung til að vera inni að þýða fyrir þetta mál! Maritta er 40 og eitthvað. En díses hvað þetta var ógeðslega fyndið. Pældu í vitleysunni hjá manneskjunni að láta setja svona á sig. Dísess…… Hvernig ætli dagur 4 verði á morgun??

Fullt að gerast á Kanarí!!!

2008-10-28T16:54:00.004Z

Jæja, þá ætla ég að segja ykkur frá atburðum síðustu daga.

Á föstudaginn fór ég með Kristínu og nokkrum vinum hennar út að borða. Ég ákvað að fá mér ís í eftirrétt og þegar hann var borinn fram á borðið þá var hann næstum því hærri en ég. Talandi um að fá fullt fyrir peningana. Ég gat ekki einu sinni borðað helminginn af helmingnum því að vá erum við að tala um stóra ísskál. Síðan fórum við á Costa Gabana klúbbinn eins og síðustu helgi þar sem að gaurinn með athyglissýkina er að spila til ca. miðnættis. Hann er samt mjög góður þannig að hann kemst upp með alla þessa sýndarmennsku sína. Það var eitthvað sérstakt kvöld svo að það voru þrír dragstrákar þarna til að skemmta fólkinu líka. Þeir voru svakalega skemmtilegir og sætir, en auðvitað allir hommar og algjör krútt í pínkulitlu fötunum og 100 cm háu hælunum.

Á laugardaginn fór ég aftur á Costa Gabana klúbbinn með Kristínu, Ranný sem býr á hæðinni fyrir neðan mig og Hildu sem að býr á hóteli rétt hjá. Gaurinn var aftur að spila og það var bara ágætt þarna.

Á sunnudagsmorguninn fór ég með Kristínu og Jónu Lísu í ræktina sem þær fara alltaf í til að prufa hana. Hún er ágæt fyrir utan það að það vantar algjörlega teygju og magaæfingaaðstöðu. En ég var svakalega fegin að ég lyfti alveg jafn þungu ennþá og þegar ég fór frá Íslandi. Veit að það er ekki langur tími en ég var búin að vera pínku paranoid með það. Svo fórum við og Hjördís á strönd einhversstaðar ég veit ekki hvar en við þurftum að keyra svolítið til að komast þangað. Við vorum þar milli 12 og 16 og mér tókst að skaðbrenna á rassinum og akkúrat þar sem að allt brjóstarhaldaradraslið er á bakinu á mér. Svakalega notalegt að geta varla setið og svona. Ég kom síðan á hotelið sem ég bý á kl. 16:30. Fer upp og set kortið (lykillinn minn fyrrverandi) í lykladraslið en það virkar ekki. Svo komst ég að því að móttakan var lokuð milli 16 og 22 þannig að ég varð bara að gjöra svo vel að bíða skaðbrunnin í bikiníinu mínu. Sem betur fer býr hún Ranný á hæðinni fyrir neðan mig þannig að ég fékk að troða mér inn á hana. Hún fékk þýskan vin sinn hérna í húsinu til að reyna að opna lykladraslið á hurðinni með skrúfjárni en það dugði ekki. Ég beið síðan með Ranný til rúmlega 10 um kvöldið og hún var æðisleg að leyfa mér að nota aloa vera gelið sem hún á til að setja á brunann hjá mér. Við fórum svo niður í móttöku og þeir endurnýjuðu lyklakortið mitt þar sem að það hafði útrunnið um daginn. Ég fór upp með nýja kortið og það virkaði ekki heldur. Maðurinn í móttökunni reyndi að hjálpa mér og kom upp með eitthvað tæki til að hlaða batteríið í lykladraslinu ef að það skyldi vera búið en tækið varð batteríislaust þannig að ég þurfti að bíða í u.þ.b. klukkutíma og koma svo aftur í móttökuna til að reyna þetta aftur. Greyið Ranný sat uppi með mig allan tímann. Um hálf eitt um nóttina (og notabeni ég var ennþá í bikiníinu!) þá fórum við niður og karlinn kom upp með okkur til að reyna að opna hurðina enn og aftur. Það virkaði ekki og var þá læsingin orðin ónýt. Great!!! Þar sem að það eru komnar flær í rúmið hennar Ranný og hún sefur í sófanum sínum þá bjuggum við til rúmfleti handa mér úr bakpullunum úr sófanum. svo fékk ég lak og flísteppi og svaf bara allt í lagi. Samt ömurlegt. Og já, ég var ennþá í bikiníinu og vá hvað mér finnst óþægilegt að vera svona brjóstarhaldaralaus lengi... Ég hringdi í Klöru og hún hringdi í Stulla íslenskan mann hérna og fékk hann til að koma um daginn og kíkja á þetta. Hann kom svo og braut upp lyklalásakassann svo að það var hægt að komast inn í íbúðina en ég gat ekki læst. Hann hafði keypt nýja læsingu sem að passaði ekki. Ég gat samt farið út en þurfti að taka hurðarhúninn með mér og setja hann í til að opna og taka hann úr aftur. Þannig að ég fór út í búð með hurðarhúninn og ég fór á klörubar með hurðarhúninn með mér. Svaka spes. Svo kom hann aftur í dag og setti læsinguna sem passar ekki þar sem að annað var ekki til. Það þurfti að saga úr hurðarkarminum til að hægt væri að loka hurðinni. Svo skil ég ekki hvernig fólki dettur í hug að eiga ekki ryksugur. Að hreinsa sag með sópi og fægiskóflu er ekki mín hugmynd um góða skemmtun...

Marilyn Monroe = Þórdís

2008-10-21T19:11:00.002Z

Ég verð að fá að segja ykkur frá deginum í dag. Ég var að ganga hérna í götunni og sá skilti hjá hárgreiðslustofu. Á skiltinu var hálfnakinn maður og ég hugsaði bara: af hverju er fólk með hálfnaktann mann á skilti á hárgreiðslustofu. Síðan gekk ég fram hjá internet stað og þar var meira nakinn maður á skiltinu og þá fattaði ég það að já auðvitað þetta er náttúrulega þvílík homma nýlenda að skiltin hérna eru bara fyrir þá. Svo gerðist það að ég kom hérna heim um þrjúleitið eftir að hafa farið með Kristínu að kíkja á alveg glænýtt mall sem var að opna í dag. Ég kom við í apótekinu á leiðinni heim í brúna sæta pilsinu mínu. Ég var bara að ganga inn í sundið þar sem að apótekið er í sakleysi mínu þegar allt í einu kemur þessi svaka vindhviða og búff pilsið hjá mér ríkur upp Marilyn Monroe style!!! Alltaf svaka skemmtilegt að sýna öðru fólki nærbuxurnar sýnar...

Ég kom síðan heim og ætlaði að hafa svona smá góða stund að lesa tímarit, fá mér appelsínu og hlusta á MTV þegar ég heyri í 2 gaurum að tala saman í herberginu við hliðina á. Síðan skella þeir á svaka hárri tónlist en því miður þá dugði það ekki til að yfirgnæfa stunurnar sem komu svo. Helvítis húsið er ekki með neina hljóðeinangrun og ég þurfti að hækka í hæðsta á ipodinum mínum til að hætta að heyra í þeim. Ekki beint það sem að ég myndi kalla quality time heima hjá mér þegar fólk er með svona mikil læti í næstu íbúð.

Semsagt svaka stuð hérna á Kanarí ;)

Gleymdi að setja nýja gsm númerið mitt

2008-10-20T18:49:00.002Z

Spænska gsm númerið mitt er +34 628 694 547....

Hæ öll sömul !!!

2008-10-20T18:20:00.003Z

Ég hef það mjög gott... Sérstaklega eftir að ég gat fengið rándýrt ferðamanna net sem ég þarf að eyða peningum í að hlaða reglulega. Þeir eru nefnilega ný búnir að breyta reglunum hér þannig að núna er ekki nóg að vera með bankareikning til að fá þráðlausan adsl usb kubb heldur þarf maður líka að vera með residencia sem að tekur einhverjar vikur (samt vonandi ekki margar því að ég fæ ekkert útborgað fyrr en að það er komið).

Flugið gekk vel en ég er ennþá að ná mér eftir það. Ég svaf bara í 1 og hálfan tíma á miðvikudagsnóttina og var svo lögð af stað út á flugvöll ca. korter í 4. Ég klikkaði á því að vigta töskuna og hún var 45 kg þegar við vigtuðum hana út á flugvelli. Ég og afi fórum með töskuna út og tókum úr henni og ég fæ restina af dótinu mínu á miðvikudaginn. Töskurnar mega ekki vera þyngri en 32 kg út af vinnulöggjöf. En ég og Kristín fórum með þessu flugi til Sevilla. Þetta var tékknesk flugfélag sem að sumarferðir eru farnir að skipta við og það var alveg SJÚKLEGA KALT inni í vélinni. Það voru ekki til nein teppi þannig að ég skalf þessa 4 tíma. Við fórum síðan með rútu til Málaga og fengum okkur að borða á kínverskum stað þar. Svo fórum við með flugvél til Madrid og ég þurfti að borga 110 evrur í yfirvigt!!!! Við vorum um klukkutíma til Madrid í annarri SJÚKLEGA KALDRI TEPPALAUSRI FLUGVÉL!!!!! Síðan fórum við frá Madrid til Las Palmas og vorum orðnar dauðar úr þreytu. Þar fékk ég teppi og lagði mig mest alla leiðina.

Íbúðin sem ég er í er fín en ég er enn að koma mér fyrir þannig að ég tek bara myndir þegar ég er búin að því. Eg er búin að þurfa að þrífa baðið og eldhúsið og myndi vilja taka skúffurnar í kommúðunni líka. Af því að það var ekki búið að nota leiðslurnar í baðinu í einhvern tíma þá kom bara brúnt vatn út fyrst. Ég þurfti að láta það leka í margar mínútur til að það hætti að verða brúnt. Ég er búin að þrífa næstum alla skápana í eldhúsinu og næstum allt leirtaugið en ég á eftir að þrífa ísskápinn og ofninn. Ég var 6 tíma að þrífa eldhúsið í gær og er ekki búin. En þegar þetta er orðið eins hreint og ég vil hafa þetta þá veit ég að mér mun líða svakalega vel hérna. Ég hugsa að ég breyti uppröðuninni og geri þetta þannig að mér finnist það huggulegt.

Svo er eitt geðveikt fyndið!!! ég er með kapalsjónvarp með einhverjum 100 stöðvum, fox og öllum helstu stöðvunum, nema þær eru ALLAR á þýsku!!! Great!!! Ég horfði á Resident evil III í gær á þýsku... það var svakalega skemmtilegt og ég skyldi mjög mikið, eða ekki...

En mikið svakalega kostar það mikið að byrja að búa einhversstaðar. Ég þurfti að eyða slatta í IKEA og í matvörubúðinni og kaupa tuskur o.s.frv. Það er líka annað mjög merkilegt hérna og það er að það er alltaf troðfullt í IKEA. Það er eins og það séu ekki fleiri búðir á eyjunni. Við biðum í minnst 45 mín eftir að komast að í matsölunni þegar við fórum í gær og það eru engin stæði laus. Merkilegt...

Ég fer og hitti manninn í vinnunni á morgun og læt ykkur síðan vita hvernig fór. Við Kristín ætlum síðan í eitthvað nýtt mall hérna. Ég vona að það sé búsáhaldaverslun þar þar sem að ég náði ekki öllu ógeðinu af sleifinni og þeim hlutum og verð að kaupa nýja. Ekki séns að ég leyfi þessu sem er hérna að snerta matinn minn.

En jæja, ég ætla að vaska aðeins meira upp og fara síðan að borða eitthvað. Ætli það verði ekki Special K-ið mitt þar sem að ég er ekki ennþá búin að þrífa pottaskápinn og pottana + mig vantar dóterí til að elda með þar sem að það var ógeðslegt sem var hérna. Við erum sko að tala um það að ég er búin að þurfa að nudda og nudda og þrífa marga diskana oftar en einu sinni til að ná öllu af. Ég þurfti líka að nota uppþvottabustann til að þrífa flísarnar á veggnum við eldavélina svo að ég næði að kroppa af olíublettina sem voru fastir. 6 helvítis tíma í að þrífa lítið eldhús og ná ekki einu sinni að klára á þeim tíma... díses... Eins gott að ég var búin að kaupa mér gúmmíhanska og einnota hanska og tuskur og svona þrifudót... ;p

Veit ekki hvað er komið yfir kelluna!!!

2008-09-25T18:26:00.002Z

Og þá er ég að tala um mig! Bara tvö blogg komin í september, vá þetta er bara met. En já, það er svakalega gaman að vita að fólk var ekki búið að gefast alveg upp á mér hérna. Svo langar mig líka til að segja ykkur að ég mun líka sakna ykkar mikið en allir eru velkomnir í heimsókn í yndislegu íbúðina sem ég verð í sem er EKKI í Alaska ;p og ég lofa að setja inn mynd (þ.e. ef ég finn myndavélina mína áður en ég fer út og næ að taka hana með, annars kemur bara mynd í desember þegar ég er búin að kaupa)... En ég verð með svefnsófa og alles þannig að því fleiri sem koma í heimsókn því betra :-D

En mér finnst námið sem ég skellti mér í núna svakalega skemmtilegt. Ég ætla einmitt að reyna að klára sem flest verkefni áður en ég fer út svo að lesturinn er í smá pásu núna. Ég er búin að skila 2 verkefnum af 3 sem ég ætla að skila áður en ég fer út í einum áfanganum. Við fáum hin verkefnin ekki fyrr en í nóvember svo að ég verð bara að bíða róleg. En ég er að fara að demba mér á fullu í ritgerðina í Heimssögu fyrir 1815 áfanganum. Ég er viss um að ykkur hefði aldrei dottið þetta í hug en ég er búin að fá leyfi fyrir að skrifa ritgerð sem tengist forn Egyptalandi, surprise surprise ;p Mér finnst þetta mega áhugavert en ég ætla að skrifa um Hatchepsut - the female pharaoh... Var að finna bækur um efnið á bókhlöðunni í dag og svo er bara að sökkva sér í efnið. Ég ætla að reyna að vera búin að allavega skrifa uppkast að meginmáli í næstu viku. En þetta er nú svo sem mjög stutt ritgerð, bara 2000 orð svo að ég þarf að passa mig að skrifa alveg svakalega afmarkað um þetta. Hmmm pínku flókið en jæja...

Komin dagsetning á Kanarí :D

2008-09-06T15:03:00.004Z

Það er komin dagsetning á Kanarí.

Ég fer út 15. október með beinu flugi til Tenerife (þeir byrja ekki að fljúga til Kanarí fyrr en viku seinna) og fer þaðan yfir til Kanarí með flugi. Ég er líka komin með frábærlega staðsetta íbúð á 5. hæð með útsýni yfir sjóinn og sundlaugargarði og alles... Miðsvæðis og í göngufæri við allt :)
Hljómar frábærlega vel. Hún er reyndar svolítið dýr eða 600-650 evrur á mánuði en ég fæ ekkert ódýrara nema ég fari svolítið útfyrir og þá er kominn leigubílakostnaður og fleira sem að hækkar þá leigu. Það er Íslendingur sem að leigir þessa svo að það er öryggi í því.

En já María er búin að vera dugleg að kommenta hérna inn á milli til að láta mig vita að það sé ennþá fólk sem að kíkir inn á þessa síðu þrátt fyrir hálfs árs hlé :S

Mig langar að biðja ykkur um að kvitta í kommentin ef þið lesið þetta svo að ég viti hvort að fólk sé ennþá að kíkja hingað reglulega. Ef allir eru hættir þá veit ég ekki hvort ég nenni að hafa fyrir þessu :p hehe en já ég reyni að setja inn reglulega Kanarí-fréttir af mér í vetur...

Ætla ekki að hafa þetta lengra í þetta skiptið en skrifa kannski einu sinni enn áður en ég fer út og svo aftur þegar ég er komin út...

Sæl og blessuð....

2008-01-30T15:31:00.000Z

Þar sem að mér hafa borist margar kvartanir yfir því að hafa blekkt fólk með síðustu færslunni minni (þ.e. fólk var glatt yfir að sjá nýja færslu og uppgötvaði svo að hún var ekki á íslensku) þá ákvað ég nú að hafa eina færslu á íslensku í janúar. Þó svo að ég geti nú ekki sagt að ég hafi það mikið að segja.... Allavega ekki mikið sem að ég vil setja á netið enn sem komið er.
Anyway, þá er ég í vinnunni núna og er að fara að setja inn efni á vefsíðu vinnunnar eftir smá stund. Það er búið að vera alveg fullt að gera síðan í síðustu viku sem að er frábært því að ég var að deyja úr leiðindum á tímabili. Ég bara gjörsamlega höndla ekki vinnur þar sem er ekkert að gera og þegar það kom mánuður í svoleiðis tímabili hérna þá var ég vægast sagt að drepast.
En ég ætla ekki með í kórferðina til Berlínar, Poznan, Kraká og Varsjá í maí. Hef ekki efni á því. LÍN nefnilega ákvað að myrða mig um daginn og send mér bréf þar sem að ég er rukkuð um yfir 100 þúsund krónur. Þetta er vegna þess að þeir létu mig fá OF mikinn pening í fyrra. Hvernig í andskotanum átti mér að detta í hug að þetta væri of mikill peningur. Þetta var alls ekki mikið. En þannig að núna er ég að fara að borga 15 þús. kr. á mánuði til LÍN næstu 10 mánuðina. Ég er sko ekki með há laun þannig að þetta er þvílíkt áfall. Sérstaklega þar sem að ég tók lánið á bílnum mínum bara í ár þannig að ég er að borga slatta í hann á mánuði og ég sé það að ég verð að fá mér aukavinnu ef ég ætla að geta staðið fyrir svona leiðindar auka útgjöldum. Svo er ég líka með myntkörfulán og það er bara búið að hækka núna þar sem að krónan ákvað að vera svona leiðinleg um þessar mundir.
Jæja, þá er ég búin að kvarta um peningamál. Núna ætla ég að hugsa hvað ég hef meira að segja!!! ummmmmmmmmmmmmm................... Já, ef einhver hefur einhverja sniðuga aukavinnu handa mér um helgar sem er ágætlega borguð þá megiði endilega hringja í mig :D
Mig vantar eiginlega aukavinnu strax...
En jæja, ég hef ekkert meira að segja í augnablikinu - nema náttúrulega það sem að ég vil ekki setja á internetið svo að þið sem að hafið ekki heyrt það fáið bara að heyra af því síðar....

Holaaaa....

2008-01-07T12:45:00.000Z

Hola todos,

sé que hace mucho tiempo de mi último blog en espaniol. No tengo excusas, simplamente lo olvidé. Todo esta bien en mi vida. Trabajo con mucha gente súper buena y me gusta el trabajo, o bueno, la mayoría del tiempo. Claro que tengo días que no quiero levantarme y no quiero para nada ir al trabajo. Pero no hay muchos de estos :) Okí... noticias de mi vida, que he hecho.... vamos a ver... bueno, eramos 6 amigas que cantabamos juntas canciones de navidad. Primero en un lugar de viejos. Ahí cantabamos tres veces, la primera vez para viejos que están mal en la cabeza, segunda vez para gente con alzheimer, y la tercera vez para viejos que tenían problemas de moverse. Claro que cantabamos gratis para esta gente, era precioso ver la cara de estos viejos, eran tan felices que alguien se recordaba de ellos. Despues de esto cantabamos para grupo de gente (de 35 - 65 anios) en su fiesta de navidad. Eso hicimos por dinero. Fue super bien y muy divertido y bueno, pagaban bien. Cantabamos 20 minutos y nos pagaron ca. $480 = $80 cada una... Super bueno por trabajo de 20 minutos y también un trabajo tan divertido que bueno no sé si pueden imaginarlo.... Practicabamos 2 veces y bueno, hablabamos mucho y no podíamos practicar mucho... Pero igual, era muy divertido, fue super bien, lo hizimos todo muy bien cantando ahí con gorras de santa claus ;p Pero como siempre olvidé la cámara y no tengo fotos de nosotras con las gorras para enseniarles... Lo siento!!

Pasé el tiempo de navidad muy bien. El 24 de diciembre (que es el día más importante en islandia - abrimos los regalos y comimos comida super buena) pasé con mis hermanos y mi mamá. Primero comimos salmon fumado (no sé como explicarlo bien, pero es super rico) y de alla langosta cocinado con mucho ajo (una de mis comidas favoritas) y el postre era una tarta de chocolate francesa con helado y salsa de Mars, chocolate oscuro y crema.... Namm namm namm... No era comida tradicional pero a quien le importa... Navidad aquí es una fiesta de comida y chocolates... La mayoría que gente hace por 2 o 3 semanas por navidad es comer... y en enero todos estan en dieta y nunca hay tanta gente en los gimnasios como en enero... El 25 de diciembre pasamos (yo y mis hermanos) siempre con la familia de mi papi. Siempre hay la comida tradicional. El 26 pasamos con la familia de mi mamá... Entonces casi todos los días que uno tiene libre del trabajo durante navidad los pasa en fiestas. Entonces no hay ni un día que uno puede pasar en las pijamas... Siempre hay que vestirse formal. Pero bueno, no es tan mal, hay buena comida y los POSTRES son deliciosos... El 31 pasé con mi papá, su esposa, las hijas de la esposa y mis hermanos... Siempre hemos tenido sopa de lagosta que mi papi hace. Si no en el 24 lo hemos tenido el 31... Pero la perra maldita con quien esta casado mi papá no lo quería y bueno yo no he tenido buenas palabras sobre ella desde el momento que me dijo que no ibamos a tener la sopa. Es la sopa más rica que hay en el mundo y casi la única sopa que me gusta. Bueno, ella no es tan mala, solo estoy un "poquito" enojada con ella por quitarme la sopa que hemos comido cada navidad (es tradición)... Pero ya les dejo, tengo que volver a trabajar... Hasta luego... y por favor escriben me o pon comments aquí en la página...

FELIZ NAVIDAD!!!!

2007-12-27T16:11:00.000Z

Y prospero anio nuevo...
Vildi bara fá að segja GLEÐILEG JÓL OG FARSÆLT KOMANDI ÁR...

Ég næ þó allavega tveim bloggfærslum í nóvember...

2007-11-21T15:22:00.000Z

Ég er í vinnunni og er ekki alveg að nenna að vinna. Sem betur fer er ekkert sjúklega mikið að gera þannig að það sleppur að ég dundi mér pínkuponsulítið... ;)
Er nú alltaf að vinna í því að setja fleiri myndir inn á flickr síðuna og fara að gefa fólki kannski linkinn inn á hana. Eins og staðan er í dag eru myndirnar þar inn á bara fyrir mín augu. Ég er búin að gera 2 eða 3 albúm og setti lykilorð á þau, vona bara að ég muni þau ennþá. Held samt að ég hafi sett eitthvað afskaplega einfalt svo ég gæti munað það.
Tónleikarnir eru núna á sunnudaginn og svo seinni tónleikar á þriðjudaginn... Þetta verður geggjaðslega flott. Vildi að þú kæmist Bína mín, en svona er það þegar fólk býr einhvers staðar lengst í burtu :/ ;p
Ég er með nokkrar línur úr verkinu á heilanum, og eins mikið og mér finnst þetta flott verk er of mikið að vera alltaf endalaust með sömu helvítis línurnar gaulandi þarna... Qui tolis pecata mundi!!!!!! Já,já og nú er það mi serere nobis.... Hjálp, ég er hætt að geta sofið á kvöldin fyrir Beethoven. Þurfti að taka svefntöflu í gær svo að ég gæti sofnað fyrir miðnætti. Rosalegt þegar maður hættir að geta sofnað. En ég hlakka rosalega til á tónleikunum. Maður er búinn að leggja það á sig að læra verkið nokkurn vegin og það er sko ekkert grín að læra 95 bls verk, enda ætla ég ekki að hlusta á það aftur í LANGAN tíma eftir að tónleikarnir eru búnir. Ég fæ líka vonandi svefnfrið þá, þ.e. ef að Beethoven lætur mig í friði... Nei, andskotinn, nú langar mig að byrja að berja hausnum í vegg... ahhh qui tolis - ið lætur mig ekki í friði!!!

Vúhú, hún bloggaði loksins!!!

2007-11-01T15:23:00.000Z

Ég er viss um að þetta er það sem mun heyrast á vörum margra í dag ;p Ég er búin að heyra það núna frá fleiri en einum aðila að mér beri að halda uppi upplýsingagjöf fyrir trausta vini sem að kíkja á síðuna reglulega. Þar sem að ég vil nú ekki valda fólki vonbrigðum (meira en ég hef gert hingað til) þá ákvað ég að drífa af eina bloggfærslu. Ég vann bara hratt og mikið í gær og segi; ég er ógeðslega busy, oft og mörgum sinnum og dúddúdú ég uppskar smá rólegan tíma þar sem að ég get skrifað eitthvað smá handa ykkur ;D

En þar sem að ég er nú með lögin úr Hairspray á heilanum allan daginn út og inn (og hefur það gengið þannig í sjö dag stanslaust hingað til) þá langar mig að spurja hvort þið hafið séð þessa snilldar mynd??!!! Ef ekki, drífið ykkur að sjá hana. Hún er MUST að sjá. Yndisleg og æðislega með vægast sagt FRÁBÆRRI tónlist og einhverjum bestu karakterum sem ég hef séð í bíómynd. Ég labbaði út úr bíó brosandi og syngjandi... Tónlistin er svo yndisleg, grípandi og skemmtileg að þessi diskur er búinn að vera stanslaust á í bílnum síðan ég fékk diskinn. Ekki nóg með það heldur er tónlistin sönglandi í hausnum á mér allan daginn í vinnunni líka. Mér finnst verst að vera í svona opnu rými því að annars væri ég hlustandi á geisladiskinn í vinnunni líka. En allavega, svo að ég endi nú þennan áróður, þá ætla ég að kaupa mér DVD diskinn um leið og hann kemur út. Svo alltaf þegar ég er ekki í eins góðu skapi og ég ætti að vera, þá ætla ég að horfa á diskinn og ég er viss um að ég verð farin að brosa út að eyrum eftir aðeins nokkrar mínútur. Allt sem ég er búin að segja í hnotskurn: ÉG ELSKA ÞESSA MYND!!!!

Hvað er svo annað að frétta en það að ég elska Hairspray... Hmmmm.... Já, ég er að fara til útlanda 21. nóv - 23. nóv. Það er ekki langur tími en samt voða gaman. Sérstaklega þar sem að þetta er vinnutengt... Svo fer ég náttúrulega til Barcelona um páskana + byrja í London í 4 daga. Þar sem að ég ætlaði náttúrulega að fara til Köben þá átti ég flugmiða sem ég varð að breyta og ákvað að skella mér í þessa snilldarferð. Hlakka ekkert smá til. Þriðja ferðinni á djöfinni er svo kórferð til Póllands í maí sem að ég tek þátt í að skipuleggja svo að planið næstu mánuðina lítur frábærlega út. Mest hlakka ég reyndar til að fara í H&M núna í nóv og svo Debenhams í London. Hehe... neinei, ég hlakka líka til að hitta fólk og svona... Og svo auðvitað að fara á söngleikina í London. Kristín ætlar með mér til London svo að við ætlum á tvo söngleiki, þ.e. á fös og lau kvöld. Það verður geggjað. Hún er búin að panta að fara á Dirty Dancing annað kvöldið og svo held ég að þeir séu að sýna Hairspray svo að það er auðvitað must ef að svo er. Þá kem ég bara syngjandi frá London, það er bara gaman.

AHHHH... svo að ég noti tækifærið. Háskólakórinn er með tónleika 25. nóv og 27. nóv. Við erum að synga Mass in C eftir Beethoven og við viljum auðvitað fá sem flesta áhorfendur þannig að endilega komiði. Ég læt ykkur vita þegar ég hef nánari upplýsingar um tónleikana, t.d. verð og svona.

En jæja, þetta er búið að vera mjög skemmtilegt og ég skal reyna (lofa ekki) að skrifa oftar hér eftir :D

Og svona upp á stemninguna þá ætla ég að láta fylgja með textann úr einu af uppáhaldslögunum mínum úr Hairspray.

CORNY

Hey there, Teenage Baltimore!

Don't change that channel!

'Cause it's time for

the Corny Collins Show!

Brought to you

by Ultra Clutch Hairspray!

CORNY (& COUNCIL MEMBERS)

Ev'ry afternoon

When the clock strikes four

(bop-bee-ba, ba-ba-ba-ba, bee-ba)

A crazy bunch of kids

Crash through that door

(bop-bee-ba, ba-ba-ba-ba, bee-ba)

They throw off their coats

And leave the squares behind

And then they shake it, shake it, shake it

Like they're losing their mind

You'll never see them frown

'Cause they're the nicest kids in town

Every afternoon

You turn your T.V. on

(na, na, na, na, na, na-na-na-na)

And we know you turn the sound up

When your parents are gone, yeah

(na, na, na, na, na, na-na-na-na)

And then you twist and shout

For your favorite star

And once you've practiced every step

That's in your repertoire

You better come on down

And meet the nicest kids in town

Nice white kids

Who like to lead the way

And once a month

We have our "negro day!"

And i'm the man who

keeps it spinnin' round

Mr. Corny Collins

With the latest,

greatest Baltimore sound!!

So every afternoon

Drop everything

(bop-bee-ba, ba-ba-ba-ba, bee-ba)

Who needs to read and write

When you can dance and sing?

(bop-bee-ba, ba-ba-ba-ba, bee-ba)

Forget about your algebra

And calculus

You can always do your homework

On the morning bus

Can't tell a verb from a noun

They're the nicest kids in town

Roll Call!!

COUNCIL MEMBERS

I'm Amber!

Brad!

Tammy!

Fender!

Brenda!

Sketch!

Shelley!

1.01

Lou Ann!

And I'm...LINK!

(All of the girls scream.)

CORNY (& COUNCIL MEMBERS)

So, if every night you're shaking

As you lie in bed

(mony-mony, ooh, mony-mony)

And the bass and drums

Are pounding in your head

(mony-mony, ooh, mony-mony)

Who cares about sleep

When you can snooze inSchool?

They'll never get to college

But they sure look cool

Don't need a cap and a gown

'Cause they're the nicest

Kids in town

They're the nicest.

Nicest

They're the nicest, nicest

They're the sugar 'n' spicest,

The nicest kids in...

Kids in town!

Mér finnst textinn ekkert smá fyndinn. Hin lögin eru líka mjög skemmtileg en þetta er á heilanum á mér í augnablikinu þannig að þetta er það sem þið fáið... Ég vona bara að þetta komi ekki allt í einni stöppu eins og bloggið hjá mér hefur viljað vera. Það er nú meira böggið. En vonandi er það búið og bilin komi loksins...

Djöfull er maður lélegur í þessu bloggeríi...

2007-10-16T11:33:00.000Z

Ég ætti kannski að breyta nafninu á Myndefni vikunnar í Myndefni mánaðarins...!!! Væri kannski gáfulegra þar sem ég blogga svo hrikalega sjaldan, en ég nenni því ekki. Hehehe... En já, ég fann á tv links síðunni teiknimynd sem ég hef ekki séð síðan ég var svolítið mikið yngri. Varð gjörsamlega að horfa á hana þar sem mér fannst hún alltaf svo skemmtileg. Þetta er Þumalínu mynd. Ég komst að því að eitt lagið er ennþá alveg yndislegt og jafnast sko alveg á við Disney lög. Nú langar mig í það lag til að setja á næsta teiknimynda/söngleikja geisladisk sem ég geri fyrir bílinn minn. Ég elska teiknimyndir með fallegri tónlist!!! En allavega, langaði bara að deila þessu og setja já, eina færslu hérna inn svo að það sé þó allavega EITTHVAÐ komið í október...

Busy busy busy

2007-09-18T14:49:00.000Z

Bueno, ya tengo unos minutos para escribir un poquito. Mi nuevo trabajo aquí en Islandia, es super interesante y SUPER busy. Solo paro para comer mi almuerzo y nada más. Habia tantas cosas que hacer la semana pasada que tres días trabaje de 1 a 2 horas más. Claro que me pagan por cada minuto que trabajo...
Mi nuevo carro es super bueno. Voy a tomar foto del carro pronto y ponerla aquí....
Tengo que volver a trabajar. Me esperan mil proyectos, okí bueno no mil pero 124. Les escribo más de mi casa algún día (pronto).
LQM....

Dagur 4 í nýju vinnunni!!!

2007-09-10T11:01:00.000Z

Þá er það dagur 4. So far so good :) Þetta er bara búið að vera fínt. Fólkið er rosalega indælt sem vinnur með mér svo að það er yfir engu að kvarta. Það er aftur móti hrikalega mikið að gera hérna og margt sem ég þarf að koma mér inn í. Ég vann t.d. klukkutíma yfirvinnu fyrsta daginn minn hérna ;) Það er reyndar bara skemmtilegra finnst mér. Þá er ekkert dund og maður þarf ekkert að velta því fyrir sér hvort maður eigi að púsla sama púslið í hundraðasta skipti inn á jigzone því manni leiðist svo... neinei, ekkert svoleiðis hér... Verkefnin eru líka mjög krefjandi sem er mjög spennandi og scary á sama tíma en þetta verður í gúddí... Það eina sem er erfitt hingað til hefur verið að vera nógu og fín í vinnunni... ég sem nenni yfirleitt aldrei að mála mig fer nú máluð í vinnuna á hverjum degi. Fór reyndar bara með maskara og smá púður á fim og fös en í dag er ég með augnskugga líka... finnst ég geggjaðslega dugleg. + ég er í skyrtu og vesti og stíbbum. Og svo auðvitað í fína frakkanum sem ég keypti mér um daginn. Ég hækkaði visa heimildina mína um daginn svo að ég gæti keypt mér eitthvað af nýjum fötum fyrir vinnuna og ég er strax búin með hana. Enda er ég líka í 18 þús króna frakka, 15 þús króna nýjum stuttum stíbbum, svo í nýrri skyrtu og vesti líka... Það er sko engin eyðsla það sem eftir er af mánuðinum!!! Svo er ég að fara í hádeginu að ganga frá kaupunum á yarisnum (2004 árgerð) sem ég er að fara að kaupa mér þannig að þar fer allur lausapeningurinn sem ég á... En jæja, það er bara gaman. Það eru hvort eð er BARA 2 vikur eftir af mánuðinum... ekkert sem ég lifi ekki af ;)

NOTICIAS GRANDES !!!

2007-08-28T14:12:00.000Z

Tengo noticias para todos... No voy a Dinamarca. Me ofrecieron un trabajo que es super interesante :D . Me lo ofrecieron la semana pasada y dije sí despues de pensarlo por un día!!! Ya solo me falta cambiar mi vuelo y hablar con la U :/ Pero estoy super feliz y buscando un carro nuevo y una cama nueva porque botabamos la mia porque me iba a Dinamarca. No puedo decirles exactamente que es lo que voy a hacer aquí porque no quiero que todo el mundo lo sepa pero les mando un e-mail pronto para explicar mejor.

Fréttasprengja!!! þ.e. fyrir þá sem ekki vita...

2007-08-28T13:49:00.000Z

Allt er farið á hvolf í mínu lífi... þ.e. allt er búið að snúast við (ekki að það sé eitthvað slæmt, alls ekki). Svo að þið sem bjuggust við mér í Kaupmannahöfn í næstu viku verðið að búa ykkur undir þetta!!! Ég er ekki að fara út!!! Þetta gerðist allt bara allt í einu en mér var boðin vinna sem að ég gat ekki hafnað... Hún er ekkert smá spennandi. Námið fer ekki neitt þannig að ég ákvað bara að skella mér í þetta. Svona vinnur vaxa ekki á trjánum. Þar sem að ég vil nú ekki upplýsa hvar ég vinn fyrir öllum alheiminum þá bara segi ég ykkur þetta nánar þegar ég hitti ykkur eða heyri í ykkur. En þið vitið þá allavega af því að ég er ekki á leiðinni út. Núna er ég bara að leita að nýjum bíl og ætla að kaupa mér rúm + flyt til ömmu og afa um helgina...

Heilarinn ég !!!

2007-08-22T13:13:00.000Z

Vegna áskorunnar um að létta þjáningar Maríu við hinn nýbyrjaða háskólalestur ákvað ég að setja inn nýja færslu!!! Það versta er að ég hef nú ekki mikið að segja þar sem að líf mitt hefur snúist að mestu um það að pakka í kassa undanfarið. En ég fór í bíó á mánudaginn með pabba og co. Við vorum 7 og pössuðum akkúrat í bílinn sem pabbi er með í láni frá einhverju verkstæði eða eitthvað álíka. Sáum Rush Hour 3 sem er alveg ágæt mynd. Mjög svipuð og hinar tvær, þ.e. veitir fínt skemmtanagildi á meðan á henni stendur en svo er maður búinn að gleyma mestu þegar maður gengur út úr salnum. Annars er ein mynd sem ég ætla mér að sjá sem fyrst, en það er nýjasta Bourne myndin. Hún er reyndar búin að vera á netinu í einhvern tíma en ég ákvað að vera ekkert að sjá hana í lélegum gæðum með hálfan haus af kínverskum manni inn á myndinni. Nei, þessa mynd langar mig að sjá í bíó... Þannig að já, þá sem langar með láta mig vita !!! :) María!!! Sorry Karina en ég get ekki beðið eftir að sjá hana einhvern tíman þannig að við bara verðum að sjá hana í sitthvoru lagi eða í annað skiptið saman...
En svo er maður bara með busy dagskrá núna í dag. Er að fara smá leyndó strax eftir vinnu og svo að hitta Önnu og Auði á Vegamótum. Ætlum að borða saman og hafa það kósý. En við getum samt ekki verið allt of lengi því að ég er að fara í litun, plokkun og vax heima hjá Dagný sem er að vinna með mér.
En heyrðu það var að koma smá, get ekki útskýrt strax. Geri það síðar. Skrifa vonandi aftur fljótlega... ble í bili

Myndirrrr....

2007-08-13T14:11:00.000Z

Og svo að ég sé nú alveg rosalega ofvirk í bloggi í dag þar sem að það er virkilega EKKERT að gera hjá mér í vinnunni þá langar mig bara að spurja að einu... Mig langar að gera einhverja mynda fæla en það er ekki í boði hérna þannig að mig langar að spurja alla með hvaða síðu þeir mæla til að gera svona möppur og svoleiðis og tengja inn á þessa síðu... ???
Plís stinga upp á einhverju :D

Problemas con los comments...

2007-08-13T13:58:00.000Z

Algunos han tenido problemas con los comments entonces les voy a explicar como funcciona para que me pueden dejar comments muchas veces ;p

Cuando han leido el blog hay abajo un link que se llama comments (tiene número al frente, p.ej. 0 comments, 2 comments). Hacen "click" con el "ratón" y de alla se abre la pagina donde pueden escribir los comments... solo miren al lado derecho de la pagina y escriben abajo de LEAVE YOUR COMMENT lo que quieren escribir. Marcan en el OTHER o el ANONYMOUS o si tienen gmail pueden usar su cuenta de ahí... Y cuando han hecho todo esto hacen "click" a PUBLISH YOUR COMMENT que esta en color naranja abajo de lo otro que han hecho...

Espero que esto lo hace facil dejarme comments... Si todavia tienen problemas por fa. mandenme e-mail...

Ahhh... y muchisimas gracias por el comment tío :D

DK, bíó og HP

2007-08-13T13:11:00.001Z

Vó hvað ég er ekki búin að standa mig í bloggeríi... eins og ég var búin að vera dugleg :/ en ég lofaði nú samt ekki reglulegu bloggi fyrr en ég væri farin til DK.
Nú er bara ennþá óvissa, veit ekkert með húsnæði fyrr en eftir að umsóknarfrestur um forgangslista er liðinn (á hádegi þann 1. sept.). Skólinn byrjar mánudaginn 3. þannig að það er bara að skella sér út ca. á þessum tíma og vona það besta. Þeir voru reyndar að senda mér bréf á föstudaginn sem gleymdist að senda með pappírunum síðast þar sem að þeir voru að segja mér frá 3 vikna dönsku námskeiði sem þeir eru með og byrjaði í morgun. Þ.e.a.s. að þeir láta mig vita á föstudegi af námskeiði sem byrjar á mánudegi í öðru landi!!! + Skráningarfrestur var til hádegis á föstudaginn og ég fékk ekki bréfið fyrr en í eftirmiðdaginn þann sama dag...
Ekkert smá asnalegt...

Veit ekki hvað er að þessari bloggsíðu hérna en sama hvað ég reyni þá get ég ekki gert bil í textanum. Bara þessi venjulegu bil milli orða en ekki svona bil milli lína eins og ég vil gera... Mega pirró !!! Veit ekki hvað er með mig og styttingar á orðum í dag... Best ég reyni að hafa bara litaskipti þegar ég skipti um umræðuefni...

Fór í bíó í gærkvöldi með mömmu. Við fórum í Regnbogann að sjá Becoming Jane. Það var alveg ágæt mynd en ég er alveg sammála henni Sigríði sem er að vinna með mér þar sem hún var að segja að það væri fáránlegt að vera alltaf að setja bandarískar leikkonur í breskar klassískar myndir. Það er alveg til nóg af hæfileikaríkum breskum konum... Hún gerði þetta nú svo sem alveg ágætlega hún Anne Hathaway eða hvað sem hún heitir. Maður samt sá alveg að þegar hún var að tala þá var mjög misjafnt hversu breskur hreimurinn hennar var. Hann var t.d. miklu breskari þegar hún var að lesa upphátt heldur en þegar hún var að tala. En fyrst að ég er nú að tala um Jane Austin þá verð ég bara að segja það að ég elska Pride & Prejudice útgáfuna með Keiru Knightley... Finnst hún alveg vægast sagt yndisleg og get horft á hana aftur og aftur. Þessi mynd í gær var svolítið mikið svipuð og P & P sagan sem að þýðir nú kannski að hún hefur fengið efnið úr sínu eigin lífi. Persónurnar voru mjög svipaðar margar hverjar og aðrar úr P&P búnar til úr jafnvel tveimur úr BJ.

En fyrst að ég er að ausa hérna úr mér þá verð ég að segja að mikið hrikalega er ég leið yfir því að vera búin með Harry Potter. Þó svo að bókin hafi verið frábær þá er bara svo hræðilega ömurlegt að vita að það komi ekki fleiri og að maður geti ekki hlakkað til að það komi önnur eftir 2 ár. Verð líka að segja að mér finnst þessi bók og bók númer 5 þær LANG LANG LANG bestu í seríunni. Vil nú ekki segja neitt hvað gerist í bókinni en VÁ hvað hún er góð!!! Ég meira að segja hágrenjaði í einum kaflanum og þá er nú mikið sagt. Man ekki hvenær ég grét síðast yfir bók. Man bara eftir því þegar ég grét og grét yfir Colde Fells leyndarmálinu þegar ég var 10 ára. Þá bók gat ég ekki lagt frá mér eftir að ég byrjaði á henni. Amma og afi komu alveg nokkrum sinnum um nóttina til mín og spurðu hvort ég færi ekki að fara að sofa. Svo þegar þau komu að mér hágrátandi þá sprungu þau úr hlátri... :) já það er gaman að þessu.

Ya recibi la confirmacion ....

2007-07-31T15:08:00.000Z

Por fin llego la confirmacion de la U en Copenhagen !!! Estos daneses... mandan los papeles super tarde! Las clases empiezan el 3 de septiembre y todavia no tengo donde vivir. Me esta haciendo un poquito nerviosa pero bueno, va a estar bien... Encuentro algo...
Bueno, no tengo nada que decir y nada que hacer aquí en el trabajo pero estoy tan cansada que no puedo pensar en más cosas para contarles. Saludos, hasta la próxima...

Þá er það ákveðið, Köben í haust !!!

2007-07-31T14:56:00.000Z

Fékk svarbréfið frá KU í gær og fékk inn þannig að nú er bara að koma sér í húsnæði sem fyrst... Fyrsti skóladagurinn er 3. september en það er kynningadagur og byrjar með morgunverði kl. 10 þann morguninn. Hljómar mjög nice... Er samt orðin smá stressuð. Þetta er svona eins og með allt, fyrsta vikan er alltaf smá töff og svo fer það batnandi :) Hef nú samt ekkert meira að segja í bili nema það að ég er ógeðslega löt og hef ekki sett í fleiri en tvo kassa ennþá. Gólfið í stofunni allt fullt af dóti... skamm skamm Þórdís !!!

Un poco en espaniol...

2007-07-25T15:55:00.000Z

Encontre una foto que hize hace MUCHOS anios en el web...
Si quieren ver esta aquí:

http://siduskoli.ismennt.is/grafik/thordis.htm

Y por favor escriben comments...

Fornleifafundur ;)

2007-07-25T15:51:00.001Z

Fann þetta um daginn og vildi deila því með ykkur...
Vissi ekki að þetta væri til fyrr en ég rakst á þetta. Endilega kíkið:

http://siduskoli.ismennt.is/grafik/thordis.htm

Fýlupúki

2007-07-25T15:43:00.000Z

Vá er hægt að vera fýldari en einn maður sem að vinnur niðri. Hann gengur stundum fram hjá mér hérna í vinnunni og hann brosir ALDREI. Það er sama hversu mikið ég brosi og segi góðan daginn, hann rétt muldrar góðan daginn (það er ef honum finnst vert að svara sem er alls ekkert alltaf) og það sést aldrei hreyfing á munnvikunum... Ég bara skil það ekki hvernig þetta er hægt!!! Hann er reyndar orðinn gamall og hvíthærður þannig að það bara hlýtur að vera að hann sé orðinn svo leiður á því að vinna að honum stekkur ekki bros á vör, ALDREI!!!
Mikið hrikalega vona ég að verði aldrei svoleiðis. Ég vil sko miklu frekar tonn af broshrukkum heldur en að vera svona... :D

Dúllídúll

2007-07-25T13:17:00.000Z

Í gær var ég með kveikt á fréttunum á meðan ég var að gera sudokuið í mogganum og ég heyrði útundan mér að það var verið að velja fólk á heimsmeistaramót. Jújú allt í lagi með það ef að það "heims"meistaramót væri ekki heimsmeistaramót íslenska hestsins!!! Hvernig er hægt að hafa heimsmeistaramót einhvers sem er alíslenskt og ekki til nema kannski í 1% af löndum heimsins!!! Ef einhver gæti útskýrt það fyrir mér væri ég mjög þakklát því að eins og staðan er núna hjá mér finnst mér þetta eitthvað það vitlausasta sem ég hef nokkur tímann heyrt á ævinni... ;)

En út í aðra sálma... Ég er ekki ennþá búin að klára að fara í gegnum eina skúffu í kommúðunni minni. Ætlaði að klára þá einu sem ég er byrjuð á á mánudaginn en fann dagbók sem ég hélt frá 3. janúar til 27. júní árið 2000, eða þ.e.a.s. hálfan 9. bekk og vinabæjarskiptin í Thisted það sumarið. Það er ekkert smá gaman að lesa þetta. Sumt er ekkert smá fyndið og annað ekki eins fyndið en allt samt hrikalega skemmtilegt að lesa. Ekki mundi ég eftir því að hafa fengið þetta og hitt í þessu og hinu prófinu eða farið á einhverjar myndir, sem ég man ekki einu sinni hvað heita, í bíó. Svo er auðvitað mjög skemmtilegt að lesa hugsanir og annað sem maður var að pæla í. Þetta er búin að vera svo skemmtileg lesning að ég er meira að segja að hugsa um að byrja á því aftur að skrifa dagbók. Ég meina ég skrifaði þarna í nokkra mánuði og svo skrifaði ég allt skiptinema árið mitt í Ekvador dagbók. Það væri bara gaman að hafa dagbók með undirbúningi fyrir DK og svo með fyrsta árinu þar. Skemmtilegt að eiga svona og geta hlegið að sjálfum sér eftir 10 ár.

Hádegismaturinn hér í vinnunni var ekkert spennandi frekar en vanalega þannig að ég fór í Bónus og leyfði mömmu að lána mér fyrir tómatabakka og berjamauki... Það er bara mjög gott og seðjandi að fá sér tómata í hádeginu... alveg frábært :)

Jæja, ætla að halda áfram að vinna...

Hola

2007-07-23T14:14:00.000Z

Hola todos...

Espero que a vecen leen lo que escribo. Estoy en el trabajo y no hay nada que hacer. Estoy super feliz que por lo menos tengo computadora con high speed internet para pasar el tiempo. Ya estoy preparando para irme a Dinarmarca. Pasé toda la fin de semana sacando todas mis cosas de mi cuarto (menos la ropa, cama y cosas basicas). Tengo todas las cosas en la sala porque necesito espacio + estoy sola en la casa las proximas dos semanas y lo voy a tener todo listo antes que regresan los otros... tambien para no dar mi mami ataque de corazon de ver su sala así... ;p

Fui a ver una doctora el otro dia porque he tenido muchas problemas con mi estomago desde que alguna comida en Ecuador el anio pasado me dio Salmonella... Aunque ya no tengo más Salmonella en mi cuerpo me dejo con todo este sistema en el cuerpo malisimo. Esta doctora hizo unas pruebas y me dio una lista con cosas que ya no puedo comer por esta maldita salmonella (si no saben que es buscalo en Google). Esta lista no es nada pequenio. Chuta... no puedo comer NADA!!!!!!!!!

En la lista hay p. ej. : guineos, chancho, todo frito, naranjas y muchas otras frutas, pepperoni, nada de leche, alcahol, cebolla, todos tipos de harina que significa que no puedo comer PIZZA :(, zanahorias, AZÚCAR blanco y mucho más...
Esto es 99% de todo que como!!! Que horror... Pero bueno, es mejor seguir esto que seguir con todo lo que he sufrido por la Salmonella. Solo espero que funcciona... Por lo menos puedo comer fresas :) (aunque fresas con chocolate son lo mejor que hay! pero solo fresas tienen que estar suficiente porque chocolate tiene azucar blanco...)

Esto significa que no puedo comer comida rápida o algo que es fácil calentar o cocinar. Y ahora que estoy sola en la casa tengo que empezar a COCINAR... Quiero llorar!!! Cocinar no es para mi... talvez solo como fresas todos los dias entonces... ;p

Bueno, si no saben nada de mi por mucho tiempo es porque morí de hambre por no poder comer nada !!!

Sko hvað ég er dugleg :)

2007-07-23T13:13:00.000Z

Vá ég er ekkert smá dugleg. Er að skrifa í annað skiptið og það á ekki fleiri dögum :) ég er ekkert smá stolt af mér!!!

En allavega, er í vinnunni og er búin að vera í móttökunni í korter af þessum 4 tímum sem ég er þar. Eins og vanalega er ekkert að gera nema einstaka símhringingar þar sem fólk vill bara tala við aðra en ekkert með mig hafa. Sem er reyndar ágætt þar sem að ég gæti ekkert hjálpað því og nenni ekkert að hlusta á kvartanir.

Ég er byrjuð að fara í gegnum allt dótið mitt og stofan heima er í rústi. Ég er ein heima núna og nota tímann í rústa öllu. Verð búin að laga til þegar fólk kemur aftur. Það er samt alveg sjúklega mikið verk að fara í gegnum allt dótið og ákveða hvað maður vill hafa, eða þ.e.a.s. hverju maður þarf ekki á að halda þar sem að það er ekki hægt að vera að taka mikið með sér. En ég var ógeðslega dugleg um helgina og á bara eftir að fara í gegnum kommúðuna mína og svo náttúrulega pakka í kassana en það er annað mál.

En jæja, hef svo sem ekkert meira að segja í augnablikinu þannig að ég læt þetta bara duga í bili. Nenni ekki einu sinni að skrifa neitt á spænsku í þetta skiptið...

knúsí til þeirra sem eiga það skilið ;p

Jæja, loksins komin með blogg / Blog por fin

2007-07-20T14:13:00.000Z

Ákvað að fara að opna svona og reyna að skrifa eitthvað þar sem maður er að fara að flytja sig til útlandanna...
Hugsa að ég verði nefnilega í takmörkuðu símasambandi við umheiminn þannig að ef að þið viljið fréttir af mér þá verðið þið að kíkja hingað... ég lofa að ég skal reyna að sinna þessu vel þegar ég er flutt út :D En þangað til lofa ég engu ;p

Ya abri una de estas paginas de blog... Soy tan moderna ;p voy a tratar de escribir regularmente aquí porque como saben voy a vivir en Copenhagen, Dinamarca desde fin de agosto y no voy a tener telefono o dinero para llamar... Si quieren noticias de mi las voy a tener aquí...
Espero que estan todos bien :)
Hasta la próxima!!!